अरनिको मा.वि. नुवागाउँ रोल्पामा २०८१ शालको शैक्षिक क्यालेण्डर विमोचन तथा वितरण
होलेरी- त्रिवेणी गाउँपालिका वडा न. २ नुवागाउँ रोल्पाको अरनिको माध्यमिक विद्यालयले मंगलबार एक कार्यक्रम बीच आफ्नो शैक्षिक क्यालेण्डरको विमोचन तथा वितरण कार्यक्रम सम्पन्न गरेको छ। वि.व्य.स. अध्यक्ष लोक बहादुर बुढाको अध्यक्षतामा कार्यक्रम भएको हो।शैक्षिक क्यालेण्डरले शिक्षक, अभिभावक र विद्यार्थीलाई विदा लगाएतका सुचना प्रदान गरेर पुर्व जानकारी गराउन सहज हुनुका साथै शिक्षक विद्यार्थीहरुलाई शैक्षिक क्यालेण्डर अनुरुप पुर्व तयारी गर्न सहयोग हुने कुरा वि.ब्य.स अध्यक्ष बुढाले बताएका थिए।
कार्यक्रममा वि.व्य.स. सदस्यहरु, शि.अ.स. अध्यक्ष तथा सदस्यहरु, अभिभावक,विद्यार्थीहरु लगाएतको उपस्थिती रहेको थियो ।कार्यक्रममा विद्यालयका सम्पूर्ण विद्यार्थी, शिक्षक लगाएत उपस्थित सम्पूर्णलाई शैक्षिक क्यालेण्डर वितरण गरिएको थियो ।
विद्यालयका सहायक प्रधानाध्यापक झुमा कुमारी घर्ती मगरले सम्पूर्ण अभिभावक तथा शिक्षा प्रेमीहरुको साथ र सहयोगले छोटो समयमा नै क्यालेण्डर विमोचन तथा वितरण कार्यक्रम राख्न सकिएको हुँदा विशेषगरी अरनिको मा. वि. को क्यालेण्डर प्रकाशनमा सहयोग गर्ने सबै सहयोगी मनहरूको उत्तरोत्तर प्रगतिको कामना गरेकि हुन्। कार्यक्रमको सञ्चालन शिक्षक पर्शुराम घर्तीले गरेको शिक्षक सुनिल बोहराले होलेरी खबरलाई जानकारी दिएका छन्।
तस्वीर : सुनिल बोहरा
