रोल्पाको त्रिवेणी गाउँपालिकाको केन्द्र जुगार देखि नेपालगन्जसम्म बस सेवा सुरु
जुगार- रोल्पा जुगार नेर्पा बजारबाट नेपालगन्जसम्म सिधा बस सेवा सुरु भएको छ । जुगार देखि नेपालगन्ज सम्म पहिलो पटक सिधा बस सेवा सुरु भएको हो ।
रोल्पा जलजला यातायात प्रा.लि.को बिशेष पहल र त्रिसिद्धेश्वरी यातायात प्रा.लि. र बागेश्वरी यातायात प्रा.लि.को सहकार्यमा बुकिङ काउन्टर जुगारदेखि शुक्रबार विधिवत रुपमा उद्धघाटन गरिएको छ ।
सो प्रालिले अब सिधै जुगार ,निगालपानि,कपुरकोट, तुल्सिपुुर ,अमिलिया, कोहलपुर हुँदै नेपालगञ्जसम्म बस सेवा सुरु गरिएको जनाईएको छ ।
विगतका दिनहरुमा जुगारमा यातायात सेवा पुगे पनि सिधै जुगार-नेपालगन्ज सम्म बस चल्न सकेका थिएनन । जुगार देखि नेपालगन्ज सम्म सवारी नचल्दा यहाका नागरिकहरुलाई तुल्सिपुरबाट अर्को सवारी चेन्ज गर्नु पर्ने बाध्यता र झनजट थियो। अब सिधै नेपालगन्जसम्म नागरिकले सवारी साधन प्रयोग गर्दा सहज बातावरण हुने काउण्टरले जनाएको छ ।
अन्य सवारी साधनले चर्को भाडा असुल्ने, मनमरी ढंगबाट भाडा लिने गरेको जनाउदै अब त्यस्तो हुन नदिने र बिशेष गरेर बालवालिका, अपांगता र ज्येष्ठ नागरिकलाई विशेष प्राथमिकतामा राखिने रोल्पा जलजला यातायात प्रा.लि.का महासचिव वरमान बुढाले बताए।
शुभकामना
