चन्द्रागिरिमा शंकास्पद वस्तु फेला
काठमाडौ- काठमाण्डौको चन्द्रागिरि नगरपालिकामा शंकास्पद वस्तु फेला परेको छ। विहिवार विहान चन्द्रागिरि नगरपालिका १२ बलम्वु स्कुल नजिकै रहेको एक घरको आगनमा शंकास्पद वस्तु फेला परेको हो ।
बिहान बलम्वु नजिकै प्रेसर कुकर बम भेटिए खबर पाएपछि प्रहरी प्रभाग बलम्वुका प्रहरी निरीक्षक उपेन्द्र प्रसाद आचार्यको टोली घटना स्थल पुगेको छ । प्रहरी प्रभाग बलम्वुका प्रहरी निरीक्षक उपेन्द्र प्रसाद आचार्यले विहान ८ बजे प्रहरीलाई शंकास्पद वस्तु फेला परेको जानकारी आयो झोलामा प्रेसर कुकर जस्तो देखिने बस्तु रहेछ हामीले सवै नागरिकहरुलाई सुरक्षित स्थानमा जान भनेका छौ ।
घटना स्थलमा नेपाली सेनाको बम डिस्पोजल टोलीलाई खबर गरी सकेको र नेपाली सेना आउदै गरेको प्रहरीले जानकारी दिएको छ ।शंकास्पद वस्तुको विष्गायमा अनुसन्धान भइरहेको प्रहरी निरीक्षक आचार्य बताए । शंकास्पद वस्तु फेला परेको स्थान नजिकै चन्द्रागिरि १२ को वडा कार्यालय नजिकै रहेको छ ।
