रोल्पामा सिचाई पोखरीमा डुबेर २ बर्षिय बालको ज्यान गयो

रामपुर-रोल्पामा सिचाइ पोखरीमा डुबेर एक नाबालकको निधन भएको छ।जिल्लाको त्रिबेणी गाउँपालिका २ रामपुर स्थिति सिचाइ पोखरीमा डुबेर २ बर्षिय बालक टोपबहादुर बिकको मृत्युु भएको ईलाका प्रहरी कार्यालय होलेरीले जानकारी दिएको छ।
बुधबार बिहान ९ बजे ३ बालकलाई घरमा छोडेर आमा मकै गोड्न गएको क्रममा २ बर्षिय बालक खेल्ने क्रममा पोखरीमा डुबेका थिए।अन्य बालकहरु उनि भन्दा ठुला भएपनि पोखरी ५ फीट भन्दा गहिरो भएकाले ति बालकहरुले बारीमा काम गरिरहेकी उनको आमालाई खबर गरेका थिए।आमा आएर पोखरीबाट निकाल्दा बालकको निधन भैसकेको ईलाका प्रहरी कार्यालय होलेरीले जनाएको छ।