रुन्टिगढी ३ सालवाङका अग्नि पीडित परिवारलाई सहयोगी दाताहरूबाट सहयोग सामाग्री हस्तान्तरण
होलेरी- रुन्टीगढी ३ सालवाङ रोल्पाका अग्नि पीडित परिवारलाई विभिन्न सहयोगी दाताहरूद्वारा सहयोग सामाग्री हस्तान्तरण गरिएको छ।
रुन्टिगढी गाउँपालिका ५ का वडा अध्यक्ष गोबिन्द बहादुर डाँगीको सक्रियतामा घोराही १४ स्थित शव्जी मण्डीका ब्यापारी तारा डाँगी,स्वर्गद्वारी गल्ला पसल,स्माइली,पदम लक्ष्मी बस्त्रालय,शिव शंकर प्लास्टिक सप्लायर्स लगायतका ब्यक्ति तथा पसलहरुबाट सहयोग संकलन गरिएको थियो।सञ्चार माध्यम तर्फ होलेरी खबरले आवश्यक भुमिका निर्वाह गरेको थियो।
चामल,दाल,नुन,तेल,साबुन,चिनी लगायत दैनिक उपभोग्यका सामाग्रीका शाथै बाल्टिन,प्रेसर कुकर,कराई,लागायत भाडाकुडी र तरकारी सहयोगस्वरुप अग्नि पिडित कर्णबहादुर पुरीको परिवारलाई हस्तान्तरण गरिएको छ।एकसाता अघि भएको आगलागीले उक्त परिवारको घरगोठ,लत्ताकपडा लगायत घरमा भएका सम्पुर्ण सामाग्री पुर्ण रुपले नष्ट भएको थियो।
भिडियो
