रुन्टिगढी ५ को वडा अध्यक्ष जनश्रमदान कार्यक्रम:सनिवार श्रम गर्न उर्लियो जनसागर (भिडियो सहित)
होलेरी- रुन्टिगढी गाउँपालिका वडा नं ५ का वडा अध्यक्ष गोबिन्द बहादुर डाँगीले सञ्चान गरेको वडा अध्यक्ष जन श्रमदान सनिबारे कार्यक्रम मार्फत आजको सनिवार वडा नं ५ मा अवस्थित पातलकटेरी कागपानी सामुदायिक बन छटान कार्य सम्पन्न भएको छ।
बिहान साढे ११ बजे देखि सय बढी स्थानिय उपभोक्ताहरुको सहभागीतामा वडा अध्यक्ष डाँगीको नेतृत्वमा सामुदायिक बन छटान कार्यक्रम चलेको थियो।वडा अध्यक्ष डाँगी सहित प्रत्येकले श्रम गरेका हुन्।
समय-समयमा बन क्षेत्रमा रहेका झाडी,बुट्यानहरु मापदण्ड अनुसार काटछाट गरेपछि बोट बिरुवाहरु हुर्कन टेवा पुग्ने वडा अध्यक्ष डाँगीको भनाई रहेको छ।कार्यक्रम स्थानिय उपभोक्ता सहित नेकपा एमाले रुन्टिगढी गाउँ कमिटी अध्यक्ष अमराज बस्नेत र दाङका व्यावसायि एवं समाजसेवी भरतनाथ योगीको पनि सहभागीता रहेको थियो।
स्थानिय वडावासीहरु जनप्रतिनिधि आफै आएर श्रमदान कार्यमा जुट्नु खुसीको कुरा भएको बताएका छन्।
भिडियो
