शिव परियारको नयाँ गीत ‘तिमी हौ सबथोक मेरो’सार्वजनिक

तिमी हौ सबथोक मेरो

त्यति त तिमीलाई थाहै होला

तिमीबिनाको के अर्थ मेरो
त्यति तिमीलाई थाहै होला

गायक शिव परियारको नयाँ गीत ‘तिमी हौ सबथोक मेरो’मा शब्द हुन् यी । प्रेमभावको यो गीतको शब्द रचना सागर फुयालले गरेका हुन् । गीतमा शिव परियारको संगीत र रिदम कँडेलको एरेन्ज छ ।

सांगीतिक एल्बम (डिजिटल) ‘तिमी र म’मा समावेश यो गीतको भिडियोलाई निकेश खड्काले निर्देशन गरेका छन् । भिडियोमा अनुपविक्रम शाही र मिरुना मगरको जोडी चित्रित छ । हरि हुमागाईंले खिचेको भिडियोलाई विकास धमलाले सम्पादन गरेका हुन् । भिडियोका निर्माता सागर फुयाल हुन् । गीत शिव परियारको आधिकारिक युट्युब च्यानलमार्फत सार्वजनिक गरिएको हो ।

‘तिमी र म’ एल्बमका अन्य गीत क्रमश: सार्वजनिक गरिने गायक परियारले जानकारी दिए ।