ताजा अपडेट
दाङमा प्रहरीद्वारा हातहतियारसहित दुई जना पक्राउ
२०८० कार्तिक २० गते सोमवार प्रकाशित
दाङ-विभिन्न हातहतियारसहित शुक्रबार राति दुई जनालाई प्रहरीले पक्राउ गरेको छ । पक्राउ पर्नेमा गढवा गाउँपालिका–६ बस्ने ४९ वर्षीय दिल बहादुर राना र ४५ वर्षीय निम बहादुर बुढा रहेको जिल्ला प्रहरी कार्यालय दाङका प्रहरी प्रमुख एसपी राम केसिले जानकारी दिए ।
ईलाका प्रहरी कार्यालय गढवाबाट खटिएको प्रहरीले बगाले बिसाउने सामुदायिक वनबाट दिलबहादुरलाई भरूवा बन्दुक १ थान, फलामको गोली १३ थान, छर्रा २४ थान, बारुद करिब ५० ग्राम, खुकुरी २ थान र बन्दुकमा लगाउने केप ७ थान तथा निमबहादुरलाई भरूवा बन्दुक १ थान, फलामको गोली १० थान, छर्रा १३ थान, बारूद करिब ५० ग्राम र बन्दुकमा लगाउने केप ५ थानसहित फेला पारी पक्राउ गरेको हो । यस सम्बन्धमा आवश्यक अनुसन्धान भइरहेको दाङ प्रहरीले जनाएको छ ।
प्रतिक्रिया दिनुहोस
